Εμέν θα στείλτς σον θάνατον

Εθά̤ρρεσες γολάι έτον
να ζεις μετ’ έναν νέον
Εμέν αφήντς τον άχαρον,
πασ̌τάν εποίκες γέρον

Τα λόγια όλι͜α ντο είπες με
θα κλώσκουνταν απάν’ ι-σ’
και θ’ αραεύ’ς συχώρεσην,
αρνόπο μ’, για το χάλι σ’

Πολλά τσ̌ατίν, μικρόν αρνί μ’,
η στράτα ντο επέρες
Θα πουσ̌μανεύ’ς τα υστερνά
εμέναν ντ’ επιδέβες

Τ’ ονέρ’τα ντ’ είχ̌ες σο κιφάλ’
θα φεύ’νε όλι͜α μίαν
Εμέν θα στείλτς σον θάνατον,
εσέν σην ερημίαν