Ελάτε ας τρώμ’ και πίνομε

Η θάλασσα κι ο ουρανός
[ν’ αηλί εμέν, λελεύω σε]
ατά έχ’νε έναν χρώμαν
[άτσ̌απα και γιατί; λελεύω σε]
Οι πλούσιοι κι οι φτωχοί
[ν’ αηλί εμέν, λελεύω σε]
θα ’μπαίν’νε σ’ έναν χώμαν
[άτσ̌απα και γιατί; λελεύω σε]

Όσοι είστουν πονεμέν’
[ν’ αηλί εμέν, λελεύω σε]
ελάτε μετ’ εμένα
[άτσ̌απα και γιατί; λελεύω σε]
Όλ’ μαζί να τραγωδούμ’
[ν’ αηλί εμέν, λελεύω σε]
κι ας γλεντούμε όσον ντ’ επορούμ’
[ν’ αηλί εμέν, λελεύω σε]

Αβούτ’ ο κόσμος ψεύτικος
[ν’ αηλί εμέν, λελεύω σε]
εμείς πάντα ’κι ζούμε
[άτσ̌απα και γιατί; λελεύω σε]
Ας πίνομ’ κι ας γλεντούμε
[άτσ̌απα και γιατί; λελεύω σε]
και -ν- όσον ντ’ επορούμε
[άτσ̌απα και γιατί; λελεύω σε]
ας γλεντούμε όσον ντ’ επορούμ’
[ν’ αηλί εμέν, λελεύω σε]