Βάλτε ρακίν

Ρακίν σο ποτήρ’ βάλτε με,
βάλτεν για να μεθύνω
Τα τέρτι͜α μ’ ντ’ ετοπλάεψα
απέσ’ ι-μ’ για να σβήνω

Βάλτε ρακίν, βάλτε κρασίν,
φέρ’τεν κι άλλα πουκάλι͜α
Και τα στραβά κι ανάποδα,
παιδία, ’λέπω ομάλι͜α

Εμέναν μη τερείτε με
δα̤κρόπα αν θα ’κχ̌ύνω
Η καρδι͜ά μ’ πώς βρουλίεται!
Το τέρτι μ’ πώς θα σβήνω;

Βάλτε ρακίν, βάλτε κρασίν,
φέρ’τεν κι άλλα πουκάλι͜α
Και τα στραβά κι ανάποδα,
παιδία, ’λέπω ομάλι͜α

Σο κατωθύρ’ εβάλτε με,
αέραν για να παίρω
’Φουρκίγ̆α, λύεται η ψ̌η μ’,
παρηγορίαν θέλω

Βάλτε ρακίν, βάλτε κρασίν,
φέρ’τεν κι άλλα πουκάλι͜α
Και τα στραβά κι ανάποδα,
παιδία, ’λέπω ομάλι͜α