Βιώματα 10

Τριαντάφυλλον να ’ίνεσαι,
μάραντον να κρατώ σε -ν-
Εντρέπουμαι να λέγω σε
ντό πολλά -ν- αγαπώ σε -ν-

Όσα φορείς και αναλλά͜εις
και πας σην εκκλησίαν
Γουρπάν’ να ’ίνουμαι ντο ευτάς
την γονατοκλισίαν

Αρνί μ’, τ’ ομμάτι͜α έχ’ν’ ατα
να τερούν και δεβάζ’νε
Εσύ, πουλόπο μ’, έ͜εις ατα
την καρδι͜ά μ’ κομματιάζ’νε

Αρνί μ’, τ’ ομματοτέρεμα σ’
όσον ντο πάει και παίρ’ με -ν-
Ατό το υστερνόν αθε
τρανόν πελιάν θα φέρ’ με -ν-