Τα παιδία ας σην Ορτού

fullscreen

Εσ’κώθαν ας σα σκαμνία
τα παιδία ας σην Ορτού
Έκαψαν όλα τα ψ̌ήα,
έβαλαν τρανόν γιαγκούν

Χα! παιδία, χα! γιαβρία,
παλληκάρι͜α ση σειρά
Άμον τη Ορτούς ραχ̌ία
σερεμένα ση βούρα μ’

Τιζεμέν’ άμον ζινίχ̌ι͜α
τη Ορτούς τα χατάλα
Κρού’νε τα ποδάρι͜α ίσα
κρού’νε αναχάπαρτα

Χα! παιδία, χα! γιαβρία,
παλληκάρι͜α ση σειρά
Άμον τη Ορτούς ραχ̌ία
σερεμένα ση βούρα μ’

Υψηλά σ’κών’νε τα χ̌έρι͜α
ίσα με τον ουρανόν
Κοφτερά Ορτούς μαχ̌αίρι͜α
που εκόντσεν ο Θεόν

Χα! παιδία, χα! γιαβρία,
παλληκάρι͜α ση σειρά
Άμον τη Ορτούς ραχ̌ία
σερεμένα ση βούρα μ’

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ας σα	απ’ τα	ασό σα (από τα)
ας σην	απ’ την	ασό σην (από την)
βούρα	χούφτα	vola=η παλάμη του χεριού ή το πέλμα του ποδιού
γιαβρία	μωρά, μικρά, παιδιά	yavru
γιαγκούν	φωτιά	yangın
εκόντσεν	ακόνισε
εσ’κώθαν	σηκώθηκαν
ζινίχ̌ι͜α	στολίδια	ziynet/zīnet
κρού’νε	χτυπούν	κρούω
παιδία	παιδιά
ποδάρι͜α	πόδια
ραχ̌ία	ράχες, βουνά
σ’κών’νε	σηκώνουν
τιζεμέν’	αραδιασμένοι, που έχουν μπει σε μια σειρά	dizmek
χα!	να!, ορίστε!, ιδού!
ψ̌ήα	ψυχές, η περιοχή του στέρνου, τα εσώψυχα

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ας σα	απ’ τα	ασό σα (από τα)
ας σην	απ’ την	ασό σην (από την)
βούρα	χούφτα	vola=η παλάμη του χεριού ή το πέλμα του ποδιού
γιαβρία	μωρά, μικρά, παιδιά	yavru
γιαγκούν	φωτιά	yangın
εκόντσεν	ακόνισε
εσ’κώθαν	σηκώθηκαν
ζινίχ̌ι͜α	στολίδια	ziynet/zīnet
κρού’νε	χτυπούν	κρούω
παιδία	παιδιά
ποδάρι͜α	πόδια
ραχ̌ία	ράχες, βουνά
σ’κών’νε	σηκώνουν
τιζεμέν’	αραδιασμένοι, που έχουν μπει σε μια σειρά	dizmek
χα!	να!, ορίστε!, ιδού!
ψ̌ήα	ψυχές, η περιοχή του στέρνου, τα εσώψυχα

Ποντιακός Στίχος - Pontian Lyrics 2025

Επικοινωνία: info@pontianlyrics.gr

Με την ευγενική χορηγία φιλοξενίας της