Ορθόν κοινωνίαν

Οι ανθρώπ’ εγουτούρεψαν
’γομώθανε κακίαν
Ποίον σον κόσμον να ευρήκ’ς
να παίρτς παρηγορίαν;

Κανείται όσον εχάλασαμ’,
ανθρώπ’, την ιστορίαν
Εντάμαν ούλ’ ας χτίζομε
ορθόν την κοινωνίαν

Ση στράτα εντάμα ούλ’ πορπατούν
καθείνας μαναχός -ι
Θεόν ευτάνε την παράν
έγλυσανε την γνώση

Κανείται όσον εχάλασαμ’,
ανθρώπ’, την ιστορίαν
Εντάμαν ούλ’ ας χτίζομε
ορθόν την κοινωνίαν

Εξατιμάζ’νε τ’ έναν τ’ άλλ’
καλόν ’κ’ ευτάν’ καμίαν
Το ταπιέτ’ν ατουν κακόν,
τρανόν έν’ αμαρτίαν

Κανείται όσον εχάλασαμ’,
ανθρώπ’, την ιστορίαν
Εντάμαν ούλ’ ας χτίζομε
ορθόν την κοινωνίαν