Σην Ελλάδαν έρθαμε

Σην Ελλάδαν έρθαμε
έχτ’σαμ’ κι εγουρεύταμε
Εφέκαμ’ τα πόνι͜α μουν
έρθαμ’ με τα τέρτι͜α μουν

Εδεβήνανε τα χρόνια,
ελιγόστευαν τα πόνια
Όλ’ εντάμαν μ’ έναν ψ̌ην
εσέβαμε ση ζωήν

Γουρεμέν’ και τιζεμέν’
ζούμε όλ’ αδελφωμέν’
Τρώμε, πίνουμ’ και γλεντούμε,
τ’ έναν τ’ άλλο πα κρατούμε

Αέτσ’ έν’ αβούτο ο κόσμος,
άλλος έρ’ται κι άλλος πάει
Που ’κι τρώει και πίν’ ατώρα
εθαρρώ τιδέν ’κ’ ευτάει