Είδα σε οψέ κι οσήμερον

Είδα σε οψέ κι οσήμερον
[ν’ αηλί εμέν!]
καλόν να έν’ ιδέα σ’
[γιαρ, γιαρ/ωφ! ωφ! ωφ!]
Το αίμα μ’ εκολύμπανε
[ν’ αηλί εμέν!]
απέσ’ σην εμποδέα σ’
[γιαρ, γιαρ/έλα -ν- έλα -ι]

Σύρον απάν’ ι-σ’ το παλτόν,
[ν’ αηλί εμέν!]
αρνί μ’, μη παίρ’ -τ- σε ο κρύον
[γιαρ, γιαρ/τσ̌άνουμ, γιαρ, γιαρ]
Ελέπω τα δουλείας ι-σ’
[δουλείας]
και ’ίνουμαι θερίον
[γιαρ, γιαρ/έλα -ν- έλα]

Τ’ όνομα μ’ αν ’κ’ εξέρετεν
[ν’ αηλί εμέν!]
πετέστε͜ ατο Λευτέρη
[γιαρ, γιαρ/ωφ! ωφ! ωφ!]
Εγώ ακόμα ’κ’ ένοιξα
[’κ’ ένοιξα/αηλί εμέν!]
το μαύρον το τεφτέρι
[γιαρ, γιαρ/έλα -ν- έλα]