Ατέν ντο αγαπώ

Μάνα, ατέν ντο αγαπώ,
μάνα, ατέν ντο θέλω
ο κόσμον να χαλάεται,
εγώ, ατέν θα παίρω

Τ’ ομμάτι͜α μ’ άλλο ’κι τερούν,
καν’νάν άλλεν ’κ’ ελέπ’νε
Η καρδι͜ά μ’ πυκνοφτιλακίζ’,
για τ’ ατέν μόνο λέει με

Ατού σα στομόχ̌ειλα σ’,
εγώ, πώς εδελι͜άγα
Σ’ αούτ’ τ’ εγκαλιόπο σ’ απέσ’
εκατακεφαλι͜άγα

Τ’ ομμάτι͜α μ’ άλλο ’κι τερούν,
καν’νάν άλλεν ’κ’ ελέπ’νε
Η καρδι͜ά μ’ πυκνοφτιλακίζ’,
για τ’ ατέν μόνο λέει με

Και μετ’ εσέναν, κορτσόπον,
εγώ πολλά ιεύω
Πολλά καιρός ’κι θα δι͜αβαίν’,
σο γιάνι σ’ θα χορεύω

Τ’ ομμάτι͜α μ’ άλλο ’κι τερούν,
καν’νάν άλλεν ’κ’ ελέπ’νε
Η καρδι͜ά μ’ πυκνοφτιλακίζ’,
για τ’ ατέν μόνο λέει με