Καλώς έρθες, φίλε

Καλώς και καλώς όρισες, [αμάν!]
φίλε μ’, απόθεν έρθες;
Τρανόν χαράν εδέκες με [αμάν!]
ξαν μετ’ εμέν ντ’ ευρέθες
[Έλα -ν- έλα]

Ο ήλιον όθεν βασιλεύ’, [αμάν!]
έζησα είκοσ’ χρόνι͜α
Αν έφυα την άνοιξην, [αμάν!]
εκλώστα με τα χ̌ιόνι͜α
[Έλα -ν- έλα]

Εσύ σα τσ̌όλια κι έρημα [αμάν!]
που ’κι χουλέν’ ο ήλον
Εγώ με τα παράπονα, [αμάν!]
χωρίς τ’ εμόν τον φίλον
[Έλα -ν- έλα]

Εσύ αδά, εγώ εκεί, [αμάν!]
σα δύο θαλασσάκρι͜α
Τέρτι͜α εγώ, τέρτι͜α κι εσύ, [αμάν!]
οι δύος πα με δά̤κρυ͜α
[Έλα -ν- έλα]

Οι φίλ’ όνταν χωρίουνταν [αμάν!]
εικόνας πα δα̤κρύζ’νε
Τ’ αμάραντα μαραίν’ντανε [αμάν!]
και άλλο ’κι χλοΐζ’νε
[Έλα -ν- έλα]