Για τ’ εσέν

Για τ’ εσέν, μικρόν γιαβρίν,
λύουμαι άμον κερίν
Ήντα̤ν λες εγώ ευτάω,
σον κρεμόν πα αν λες με πάω

Για τ’ εσέν εγώ νουνίζω
και το ψ̌όπο μ’ τυρα̤ννίζω
Για τ’εσέν, μικρόν γιαβρίν,
λύουμαι άμον κερίν

Εγώ άλλον ’κι τερώ,
εγώ άλλον ’κι αγαπώ
Αγαπώ σε λες ’κι θέλτς με,
έρχουμαι κι εσύ χατεύ’ς με

Ντό θα ευτάγω, θα ζαντύνω,
για τ’ εσέν φαρμάκ’ θα πίνω
Για τ’ εσέν, μικρόν γιαβρίν,
λύουμαι άμον κερίν

Για τ’ εσέν, μικρόν γιαβρίν,
να πατείς εγώ χαλίν
’Κ’ είδα σε, θα παλαλούμαι,
χάνω σε, εγώ σκοτούμαι

Για τ’ εσόν και τη σεβτάν
έχω αγιάτρευτον γεράν
Για τ’ εσέν, μικρόν γιαβρίν,
λύουμαι άμον κερίν