Την εβδομάδαν μίαν

Απ’ αδά ους τ’ εσέτερα
έναν τσιγάρον στράταν
Κι εγώ γιατί ν’ αροθυμώ
ατά τ’ εσά τ’ ομμάτι͜α;

Εφτά τοξάρι͜α έγρασα
και άλλ’ ατόσα τέλι͜α
Να τραγωδώ και παίζω, αρνί μ’,
για τα χ̌είλι͜α σ’ τα μέλι͜α

Εντρέπουμαι να λέγ’ ατο
τον κύρη σ’ ντ’ αγαπώ σε
Άμαν αέτσ’ ’κι γίνεται,
αρνί μ’, αροθυμώ σε

Σ’ οσπίτ’ απέσ’ ντο κάθεσαι,
τεά ευτάς δουλείαν
Έβγα οξ̌ωκά ας ελέπω σε
την εβδομάδαν μίαν