Αρνί μ’, θα ξενιτεύω

Σην ξενιτει͜άν αχπάσκουμαι,
τραγωδώ και σ̌υρίζω
Αν έ͜εις τύχην, μικρόν αρνί μ’,
αγλήγορα γυρίζω
Ε! αρνί μ’, θα ξενιτεύω!

Πάγω σην ξενιτείαν,
πάγω σην ξενιτείαν
Θ’ αποχωρίγουμαι τ’ αρνί μ’
και καίγεται η καρδία μ’
Ε! αρνί μ’, θα ξενιτεύω!

Σην ξενιτει͜άν αχπάσκουμαι,
η τσ̌άντα μ’ ζινιχ̌ένεν
Χ̌ιλέμορφους να τάζ’νε με
ο νους ι-μ’ ξαν σ’ εσέν έν’
Ε! αρνί μ’, θα ξενιτεύω!

Πάγω σην ξενιτείαν,
πάγω σην ξενιτείαν
Θ’ αποχωρίγουμαι τ’ αρνί μ’
και καίγεται η καρδία μ’
Ε! αρνί μ’, θα ξενιτεύω!

Σην ξενιτει͜άν αχπάσκουμαι
μετά δύο καρδίας
Σ’ έναν θα βάλω τα τέρτι͜α,
σ’ άλλο τ’ αροθυμίας
Ε! αρνί μ’, θα ξενιτεύω!

Πάγω σην ξενιτείαν,
πάγω σην ξενιτείαν
Θ’ αποχωρίγουμαι τ’ αρνί μ’
και καίγεται η καρδία μ’
Ε! αρνί μ’, θα ξενιτεύω!