Αγαπώ σε, νε κορτσόπον

Ας σον πόνο μ’ ’κ’ εγροικάς
για τ’ ατό κατηγοράς με
Λες με «άλλεν αγαπάς
κι ας σο γιάνι μ’ να πας χάσαι»

Αγαπώ σε, νε κορτσόπον,
άλλο ντό να λέγω σε;
Και την ψ̌η μ’ να ψαλαφάς με,
ατό πα θα δίγω σε

«Γιατί πίνω και μεθώ
και τα νύχτας ’κι κοιμούμαι»,
ερωτάς με και εγώ
τ’ αρνόπο μ’ να κλαίει θυμούμαι

Αγαπώ σε, νε κορτσόπον,
άλλο ντό να λέγω σε;
Και την ψ̌η μ’ να ψαλαφάς με,
ατό πα θα δίγω σε

Κατηγόρα με κι εσύ
χωρίς να εξέρτς τον πόνο μ’
Εχωρίγα ας σον παιδί μ’
για τ’ εσόν την χάρην μόνο

Αγαπώ σε, νε κορτσόπον,
άλλο ντό να λέγω σε;
Και την ψ̌η μ’ να ψαλαφάς με,
ατό πα θα δίγω σε