Ο Αλέξης σην Τασ̌κένδην

Είκοσ’ χρόνια σην Τασ̌κένδην
κι άλλα πέντε σο ραχ̌ίν
ας σην Κούσ̌οβαν¹ ο Αλέξης
τη Τράντονος το παιδίν

Σο χωρίον ατ’ εκλώστεν
επλερώθεν σα μουράτι͜α τ’,
σα παιδία τ’ και σ’ αδέλφι͜α τ’
και -ν- ετσούπωσεν τ’ ομμάτι͜α τ’

Σο ραχ̌ίν και ση Τασ̌κένδην
έφαεν πικρόν ψωμίν
και ο Χάρον σην πατρίδαν
παίρ’ τ’ Αλέξη και την ψ̌ην

Σο χωρίον ατ’ εκλώστεν
επλερώθεν σα μουράτι͜α τ’,
σα παιδία τ’ και σ’ αδέλφι͜α τ’
και -ν- ετσούπωσεν τ’ ομμάτι͜α τ’

...σα παιδία τ’ και σ’ αδέλφι͜α τ’
και -ν- ετσούπωσεν τ’ ομμάτι͜α τ’...