Τη μάνα μ’ εροθύμεσα

Θεέ μ’, μικρέσσα εθέλεσες
τη μάνα μ’ σα επουράνια
κι εμέν σην γην εφέκες με
σην πίκρα, σην ορφάνια

Τη μάνα μ’ εροθύμεσα,
τη μάνα μ’ αραεύω
Χωρίς ατέναν ’κ’ επορώ,
χωρίς ατέν ’κ’ ελέπω

Χριστέ μ’, Πανάγαθε τρανέ
ας σο ταφίν π’ εσ’κώθες
γονατιστός παρακαλώ
τη μάνα μ’ οπίσ’ δος με

Τη μάνα μ’ εροθύμεσα,
τη μάνα μ’ αραεύω
Χωρίς ατέναν ’κ’ επορώ,
χωρίς ατέν ’κ’ ελέπω

Μικρός - μικρός ορφάνεψα
κι επέμ’να μαναχός ι-μ’
κι όταν σουμά σ’ θα έρχουμαι
θα χάται ο καημός ι-μ’

Τη μάνα μ’ εροθύμεσα,
τη μάνα μ’ αραεύω
Χωρίς ατέναν ’κ’ επορώ,
χωρίς ατέν ’κ’ ελέπω

Τη μάνα μ’ εροθύμεσα,
τη μάνα μ’ αραεύω
Χωρίς ατέναν ’κι πορπατώ,
χωρίς ατέν ’κ’ ελέπω