Αρνί μ’, τ’ εσόν ο πρόσωπον

Αρνί μ’, τ’ εσόν ο πρόσωπον
και τ’ εσόν η καρδία
εμάεψανε με, κουτσ̌ή,
γουρπάν’ σ’ εσά τα ψ̌ήα

Ας ση σεβτά σ’ ερρώστεσα,
φίλ’ με και ας λαρούμαι
Απέσ’ σ’ εγκάλι͜α σ’ το γλυκόν
θέλω να παλαλούμαι

Εθόλωσαν τ’ ομματόπα μ’,
εμαύρυνεν το ψ̌όπο μ’
Όντες ’κ’ ελέπω σε, πουλί μ’,
λύεται το καρδόπο μ’

Ας ση σεβτά σ’ ερρώστεσα,
φίλ’ με και ας λαρούμαι
Απέσ’ σ’ εγκάλι͜α σ’ το γλυκόν
θέλω να παλαλούμαι

Έλα, ας ανταμώνω σε
απάν’ και σα παρχάρι͜α
Να/Θα φιλώ τα στομόχ̌ειλα σ’
και κείμαι σα χορτάρι͜α

Ας ση σεβτά σ’ ερρώστεσα,
φίλ’ με και ας λαρούμαι
Απέσ’ σ’ εγκάλι͜α σ’ το γλυκόν
θέλω να παλαλούμαι