Τη σεβτάς το γιουλτουρούμ’

Αγαπώ ντο αγαπάς
κι ήντι͜αν έν’, αρνί μ’, τ’ εσόν
Τ’ αδέλφι͜α σ’, τα γονικά σ’
κι ήντι͜αν ’δώκε σε ο Θεόν

Αχ! Εγώ ντο έπαθα
ση στράτας το καλτουρούμ’!
Σο κιφάλ’ εντώκε με
τη σεβντάς το γιουλτουρούμ’
Εντώκε με σο κιφάλ’
τη σεβντάς το γιουλτουρούμ’

Τη θωρέα σ’ αγαπώ
τ’ αγνιάρ’κον το τέρεμα σ’
Το ψ̌όπο σ’ ντο ψαλαφά
και το καρδοθέλεμα σ’

Αχ! Εγώ ντο έπαθα
ση στράτας το καλτουρούμ’!
Σο κιφάλ’ εντώκε με
τη σεβντάς το γιουλτουρούμ’
Εντώκε με σο κιφάλ’
τη σεβντάς το γιουλτουρούμ’

Αγαπώ το πόιν ντ’ έ͜εις
και το χώμαν ντο πατείς
Τα τσ̌αλίμι͜α ντο ευτάς
ση στράταν ντο πορπατείς

Αχ! Εγώ ντο έπαθα
ση στράτας το καλτουρούμ’!
Σο κιφάλ’ εντώκε με
τη σεβντάς το γιουλτουρούμ’
Εντώκε με σο κιφάλ’
τη σεβντάς το γιουλτουρούμ’