Έπαρ’ τη λύρα λυριτσ̌ή

Τη λύρας γλυκολάλεμαν
ση τοξαρί’ τη στράταν
Τ’ ορμάνια αντιβόεσαν,
όλα τα θαλασσάκρι͜α

Έπαρ’ τη λύρα, λυριτσ̌ή,
έπαρ’ και το τοξάρι
Σύρον δεξι͜ά, σύρον ζεβρι͜ά,
του Πόντου παλληκάρι

Τα πέντε χρυσοδάχτυλα σ’
χορεύ’νε απάν’ σα κόρδας
Τα παραθύρια ακράνοιχτα,
ενοίγ̆ανε τα πόρτας

Φυσά αέρας παρχαρί’,
θροΐζ’νε τα δεντρόπα
Η λύρα ’γλυκολάλεσεν
απάν’ σα παρχαρόπα