Εξέβα απάν’ σο Ποζ-Τεπέ

Εξέβα απάν’ σο Ποζ-Τεπέ [ν’ αηλί εμέν]
είδα την Τραπεζούνταν 
[ωφ, ωφ, ωφ/έλα -ν-, έλα]
Έμορφοι στέκ’νε σο Μεϊτάν, [ν’ αηλί εμέν]
άσ̌κεμοι ση Δαφνούνταν 
[ωφ, ωφ, ωφ/έλα -ν-, έλα]
 
Εξέβα απάν’ ση Ζερενού [μικρόν αρνί μ’]
και -ν- είδα τα Φοσσία 
[ωφ, ωφ, ωφ/έλα -ν-, έλα]
Εμέντσα σε κι αν ’κ’ έρχεσαι [ασ’χώρετον]
θ’ ευτάμε χωρισίαν 
[ωφ, ωφ, ωφ/έλα -ν-, έλα]
 
Εντώκα τον ανέφορον [ν’ αηλί εμέν]
κι εξέβα σα Καγκέλια 
[ωφ, ωφ, ωφ/έλα -ν-, έλα]
Ατώρα άντζ̌ακ εγροίκ’σα ’το, [κοντόχρονον]
τα λόγι͜α σ’ είν’ βαγγέλια 
[ωφ, ωφ, ωφ/έλα -ν-, έλα]
 
Εξέβα σο Κουλάτ απάν’, [ν’ αηλί εμέν]
έκ’σα πουλί’ λαλίαν 
[ωφ, ωφ, ωφ/έλα -ν-, έλα]
Εθάρρεσα τ’ αρνόπο μ’ έν’ [ν’ αηλί εμέν]
κι εχάρεν η καρδία μ’ 
[ωφ, ωφ, ωφ/έλα -ν-, έλα]