Εγώ τη δείσαν κυνηγώ

Εγώ τη δείσαν κυνηγώ
άμον ντ’ ευτάει ο λύκον
Να επορώ και κρύφκουμαι
με τ’ εμόν το μικρίκον

Ερχίνεσεν και -ν- η βρεχ̌ή,
κατατσ̌ακλίζ’ χιζλία
Το κιφάλι μ’ εσ̌κέπασαν
του γιάβρι μ’ τα μαλλία

Ερχίνεσεν και -ν- η βρεχ̌ή,
αρύν απέσ’ χαλάζι
Τα μαλλόπα ’θε κούσ̌τ’ νερόν,
ο πρόσωπος φωτάζει

Ας σο πολλά -ν-, -άι!- τη βρεχ̌ήν
επίασεν το χ̌έρι μ’
Σα μαλλόπα ’θε το νερόν
γλυκύν κι άμον σ̌εκέριν