Φιλάν γολάν

Φιλάν γολάν, φιλάν γολάν
Το μερτικό μ’ απόψ’ θα ψαλαφώ σε
θα παίρω σε, χορεύω και φιλώ σε

Σα χ̌είλια σ’ πώς κρεμάγουμαι
για τέρεν, για τέρεν
και μίαν να φιλώ -γ- ατα
για φέρεν, για φέρεν
Και μίαν να φιλώ -γ- ατα
για φέρεν, για φέρεν
Σα χ̌είλια σ’ πώς κρεμάγουμαι
για τέρεν, για τέρεν

Φιλάν γολάν, φιλάν γολάν
Ας σην παχτσ̌έ σ’ θα κόφτω λουλουδόπα,
θα έχω σε, πουλί μ’, σα όπα - όπα

Θεέ μ’ και Παναΐα ποίσον
θάμαν, ξαν θάμαν
Έναν βραδήν να έχ’ ατεν
εντάμα μ’, εντάμα μ’
Έναν βραδήν να έχ’ ατεν
εντάμα μ’, εντάμα μ’
Θεέ μ’ και Παναΐα ποίσον
θάμαν, ξαν θάμαν

Φιλάν γολάν, φιλάν γολάν
Το μερτικόν τ’ ημ’σόν ας σην καρδία σ’
σ̌κοινίν ση γούλαν τ’ εσόν τα μαλλία σ’

Η μάνα σ’ πα αν θέλ’ -τ- σε
εγώ θα λέγ’ α’, θα λέγ’ α’
Είσαι τ’ εμόν το άλφα
και τ’ ωμέγα, τ’ ωμέγα
Η μάνα σ’ πα αν θέλ’ -τ- σε
εγώ θα λέγ’ α’, θα λέγ’ α’
Είσαι τ’ εμόν το άλφα
και τ’ ωμέγα, τ’ ωμέγα