Τα πράσινα, τα γαλανά τ’ ομμάτι͜α σ’

Τα πράσινα, τα γαλανά
τ’ ομμάτα̤ σ’ ποδεδίζω
Και με τη ψ̌ης ι-μ’ το κοντύλ’
κάθουμαι ζωγραφίζω

Σεράντα αγριολούλουδα
εξέγκα ας σο χώμαν
για να ευτάγω, νε πουλί μ’,
και τ’ ομματί’ σ’ το χρώμαν

Τον ουρανόν ση θάλασσαν,
πουλί μ’, αν πατουρεύ’νε
Ευτάνε διπλοχρώματα
σ’ ομμάτα̤ σ’ να ιεύ’νε

Λόγια ’κ’ ευρήκω, πουλόπο μ’,
τ’ ομμάτα̤ σ’ να κουρφίζω
Πέει με ντό χρώμαν έχ’νε ατα
εγώ να ζωγραφίζω