Κοντόν φιστάν’ εφόρεσες

Κοντόν φιστάν’ εφόρεσες [λελεύω σε!]
κι εσέβες σο χορόν -ι 
[έλα -ν- έλα/’μώ το νόμο σ’!]
Πολλά καρδίας έκαψες [λελεύω σε!]
’φαρμάκωσες τ’ εμόν -ι 
[έλα -ν- έλα/’μώ το νόμο σ’!]

Πολλά κοντόν έν’ το φιστάν’, [λελεύω σε!]
κοντόν τ’ ευλογημένον 
[έλα -ν- έλα/’μώ το νόμο σ’!]
Με τ’ ομμάτι͜α μ’ χορτάζ’ ατο [λελεύω σε!]
η καρδι͜ά μ’ ματωμένον 
[έλα -ν- έλα/’μώ το νόμο σ’!]

Κόρη, το πόι σ’ έμορφον [λελεύω σε!]
το φιστάνι σ’ κοντόν -ι 
[έλα -ν- έλα/’μώ το νόμο σ’!]
’Ποίκανε με και λάσκουμαι [λελεύω σε!]
άμον τον παλαλόν -ι 
[έλα -ν- έλα/’μώ το νόμο σ’!]