Θέλω να τραγωδώ ατο

Τρανόν καπαχάτ’ εποίκα,
ντό θα ’φτάγω ’κ’ εξέρω!
Σοι δύ’ς πα λόγον εδέκα,
ατσ̌ά, τίναν θα παίρω;

Λελεύω σας, ε μειζετέρ’,
μεσοκαιρίτ’ πατσίδες
Θέλω να τραγωδώ ατο,
εβγαίν’νε καβγατσ̌ήδες

Δύο / Τρία φαμελίας εγώ,
τ’ εμετέρ’ θα κρεμίζω
Καν’νάν να παίρω ’κ’ ’ίνεται,
τοι δυ’ς πα θα κλαινίζω

Αν θέλ’νε ας κατηγορούν
εμέν τον μουατσ̌ίρη
Αν θέλ’νε εβγάλλ’νε τ’ όνεμα μ’,
ευτάνε με γεσίρι