Έναν βούραν η καρδία μ’

Το κρυφόν το τέρεμα σ’
μαχ̌αιρέαν έν’
Κόπουμαι σο γέλαμα σ’,
αίμαν πουθέν ’κ’ έν’

Δί’ς με έναν, παίρτς με δύο
Ντό θα ’ίνουμαι;
Θάλασσα ευτάς τ’ ομμάτι͜α σ’
να φουρκίουμαι

Έναν βούραν η καρδία μ’
κι ήντι͜αν θέλ’ ευτάει
Τ’ αχουλόπο μ’ θέλ’ να φεύω
και η ψ̌η μ’ ’κι πάει
Έναν βούραν η καρδία μ’,
λέγω σε πως έν’
Κι άμον άψιμον θα κάφκουμαι,
πουλί μ’, για τ’ εσέν

Για τ’ εσέν θα παλαλούμαι
Ωχ! ν’ αηλί εμέν!
Η σεβντά σ’ θα τρώει με, πουλί μ’,
κι ατό κρίμαν έν’

Να τερείς με να ανασπάλω
και το όνομα μ’
Σην εγκάλι͜α σ’ να κοιμούμαι
έν’ το όρωμα μ’

Έναν βούραν η καρδία μ’
κι ήντι͜αν θέλ’ ευτάει
Τ’ αχουλόπο μ’ θέλ’ να φεύω
και η ψ̌η μ’ ’κι πάει
Έναν βούραν η καρδία μ’,
λέγω σε πως έν’
Κι άμον άψιμον θα κάφκουμαι,
πουλί μ’, για τ’ εσέν

Το κρυφόν το τέρεμα σ’
Ρίζα μ’, λέγω σε
Εμορφία σην καρδία μ’
Έν’, λελεύω σε!

Δί’ς με έναν, παίρτς με δύο
Ντό θα ’ίνουμαι;
Το κορμί μ’ ευτάς κερόπον
κι όλον λύγουμαι

Έναν βούραν η καρδία μ’
κι ήντι͜αν θέλ’ ευτάει
Τ’ αχουλόπο μ’ θέλ’ να φεύω
και η ψ̌η μ’ ’κι πάει
Έναν βούραν η καρδία μ’,
λέγω σε πως έν’
Κι άμον άψιμον θα κάφκουμαι,
πουλί μ’, για τ’ εσέν