Έσπρυνανε τα μαλλία μ’

Έσπρυνανε τα μαλλία μ’,
’μαύρυνεν η καρδία μ’ [γιαρ]
Τα τσ̌ικάρι͜α μ’ εσάπανε
και ’κι γελώ καμίαν [γιαρ]

Γομάτα τ’ ομματόπα μου
ας σα πικρά τα δά̤κρυ͜α [γιαρ]
Ερτούρεψαν κι άλλο πολλά
τη καρδι͜άς ι-μ’ τα τέρτι͜α [γιαρ]

Σα τέρτι͜α μ’, σα παράπονα μ’
γιατρειάν εγώ ’κ’ εύρα [γιαρ]
Καίγουμαι και βρουλίγουμαι
’ς σο άψιμον ντ’ εσέβα [γιαρ]

Τρώγω φαΐν, πίνω νερόν,
τ’ απέσ’ ι-μ’ φαρμακώνω [γιαρ]
Θεέ μ’, σ’ Εσέν χρωστώ την ψ̌η μ’,
έπαρ’ το να γλυτώνω [γιαρ]