Απόψ’ είδα σε στ’ όρωμα μ’

[Άι!] Απόψ’ είδα σε στ’ όρωμα μ’,
εφίλ’να σε σο στόμαν
Εγνέφ’σα κι εσκουντούλιζαν
τα χ̌ειλόπα μ’ ακόμαν

[Άι!] Απόψ’ είδα σε στ’ όρωμα μ’,
εκείσ’νε στ’ εγκαλιόπο μ’
Ερρώστεσε με η σεβντά σ’,
χαρχαταρι͜άζ’ το ψ̌όπο μ’

[Άι!] Απόψ’ είδα σε στ’ όρωμα μ’,
εχ̌αίρουμ’νε τα κάλλι͜α σ’
Καλλίον ν’ εβγαίν’νεν η ψ̌η μ’
στο γλυκύν την εγκάλι͜α σ’

[Άι!] Εγνέφ’σα, ’κ’ είχα σε σουμά μ’,
αηλί τ’ εμόν το χάλι!
Ατσ̌ά, πόσα κι άλλο θα σύρ’
το ξερόν το κιφάλι μ’;