Φαρμακώστε με

Φαρμακώστε με! Φαρμακώστε με!
Δώστε με φαρμάκ’ ας πίνω,
άλλο δακρόπα μη ’κχ̌ύνω!
Φαρμακώστε με!
Ετελέθεν το τερμάνι μ’,
άλλο ψ̌ην ’κ’ έχω απάν’ ι-μ’
Φαρμακώστε με! Φαρμακώστε με!

Δείξτε με κρεμόν! Δείξτε με κρεμόν!
Ας πάω, ρούζω και χάμαι,
η αγάπη μ’ ’κι αγαπά με!
Δείξτε με κρεμόν!
Για τ’ εμέναν να μη κλαίτεν,
«εγουρταρεύτεν» να λέτεν
Δείξτε με κρεμόν! Δείξτε με κρεμόν!

Θανατώστε με! Θανατώστε με!
Βάλτε με -ν- απέσ’ σο χώμαν,
αγαπώ ατεν ακόμα!
Θανατώστε με!
Θάνατος θα γουρταρεύ’ με,
τιδέν ’κι παρηγορεύ’ με
Θανατώστε με! Θανατώστε με!