Ανάθεμα και τ’ Ερζουρούμ

Ανάθεμα και τ’ Ερζουρούμ,
τ’ Ερζουρουμί’ τ’ οβάδες
Εθάφταν γυναικόπαιδα
εκεί χωρίς ποπάδες

Εσβήγανε πολιτείας,
εχάθαν περιουσίας
Σα παρχάρι͜α, τα χωρία,
πώς να ευρήκ’ς παρηγορίαν;
Σα παρχάρι͜α, τα χωρία
έν’ ολόγ̆ιον ιστορίαν

Μικρά μωρά και τσάτσαλοι
γραιάδες, γεροντάδες
Επέθαναν, έν’ άταφοι
εκεί χωρίς ποπάδες

Εσβήγανε πολιτείας,
εχάθαν περιουσίας
Σα παρχάρι͜α, τα χωρία,
πώς να ευρήκ’ς παρηγορίαν;
Σα παρχάρι͜α, τα χωρία
έν’ ολόγ̆ιον ιστορίαν

Ελάλ’ναν ατ’ς άμον κοπάδ’
και σο ’Ρζουρούμ επήγαν
Επέθαναν αδά κι ακεί
και -ν- άταφοι ελύγαν

Εσβήγανε πολιτείας,
εχάθαν περιουσίας
Σα παρχάρι͜α, τα χωρία,
πώς να ευρήκ’ς παρηγορίαν;
Σα παρχάρι͜α, τα χωρία
έν’ ολόγ̆ιον ιστορίαν