Κλάψον καρδία μ’

Κλάψον, καρδία μ’, τον πόνο σ’,
κλάψον και τα μουράτι͜α σ’
[Αηλί τη μάναν π’ έχ̌’ με!]
Κλώσον τα δάκρυ͜α σ’ αποπέσ’,
μη φαίν’ντανε σ’ ομμάτι͜α σ’
[Αηλί τη μάναν π’ έχ̌’ με!]

Εμέν ρακίν μη δί’τε με,
εγώ όντες πίνω κλαίω
[Αηλί τη μάναν π’ έχ̌’ με!]
Μοιρολογώ και τραγωδώ
και τα τερτόπα μ’ λέω
[Αηλί τη μάναν π’ έχ̌’ με!]

Σ’ αούτ’ τον ψεύτην τον κόσμον
φαίνεται έτον γραμμένον
[Ν’ αηλί τη μάναν π’ έχ̌’ με!]
Να ζω με τ’ «αχ!» και με το «βαχ!»
και παραπονεμένον
[Ν’ αηλί τη μάναν π’ έχ̌’ με!]

Ας σ’ εγεννέθα κιάν’ εγώ
έναν καλόν ’κ’ εγνώρτσα
[Αηλί τη μάναν π’ έχ̌’ με!]
Τα τέρτι͜α εποίκα σ̌κοινίν
κι άμον ζωνάρ’ εζώστα
[Αηλί τη μάναν π’ έχ̌’ με!]

Η λαλία μ’ σον ουρανόν,
γιαβρί μ’, παρακαλώ σε
[Αηλί τη μάναν π’ έχ̌’ με!]
Τ’ ημ’σόν την ψ̌η μ’ ας δίγω σε
και τ’ άλλο πα ας χρωστώ σε
[Αηλί τη μάναν π’ έχ̌’ με!]