Είδα σε οψέ κι οσήμερον

Είδα σε οψέ κι οσήμερον,
[ν’ αηλί εμέν!]
καλόν να έν’ ιδέα σ’
[γιαρ, γιαρ/τσ̌άνουμ γιαρ γιαρ]
Το αίμαν εκολύμπανε
[ν’ αηλί εμέν!]
απέσ’ σην εμποδέα σ’
[γιαρ, γιαρ/τσ̌άνουμ γιαρ γιαρ]

Μελαχρινόν και -ν- έμορφον,
[ν’ αηλί εμέν!]
τα δόντι͜α ’θε -ν- αραία
[γιαρ, γιαρ/τσ̌άνουμ γιαρ γιαρ]
Ση μασχαρείαν ’κ’ εχωρεί,
[ν’ αηλί εμέν!/ασ’χώρετον]
χολά̤σκεται βαρέα
[γιαρ, γιαρ/τσ̌άνουμ γιαρ γιαρ]

Σύρον απάν’ ι-σ’ το παλτόν,
[ν’ αηλί εμέν!]
αρνί μ’, μη παίρ’ -τ- σε ο κρύον
[γιαρ, γιαρ/τσ̌άνουμ γιαρ γιαρ]
Ελέπω τα δουλείας ι-σ’
[ν’ αηλί εμέν!]
και ’ίνουμαι θερίον
[γιαρ, γιαρ/τσ̌άνουμ γιαρ γιαρ]