Σεβντάς λόγια

Θα ’φτάγω σίδερο̤ν καρδι͜ά
γεράδες να μη φέρει
Σα τέρτι͜α, σα παράπονα
όλια να υπομένει

Τα τραγωδίας στείλω σε
γομάτα σεβντάς λόγια
κι απέσ’ σα τραγωδίας ι-μ’
είναι τα τέρτι͜α μ’ όλια

Ας ση σεβντάν ερρώστεσα
νύχταν ημέραν κλαίγω
Το τέρτ’ ντο έχω σην καρδι͜ά μ’
καν’νάν ’κ’ έχω να λέγω

[Ωχ!] Τη νύχταν όντες τραγωδώ
έβγα σο παραθύρι σ’
Ωρι͜άσον παίρ’νε σε χαπέρ’
η μάνα σ’ και ο κύρη σ’