Σύρον απάν’ ι-σ’ το παλτόν

Σύρον απάν’ ι-σ’ το παλτόν, [το παλτόν]
αρνί μ’, μη παίρτς το κρύον
[Τσ̌άνουμ γιαρ, γιαρ]
Ελέπω τα δουλείας ι-σ’ [δουλείας ι-σ’/μικρόν αρνί μ’]
και ’ίνουμαι θερίον
[Τσ̌άνουμ γιαρ, γιαρ]

Εμορφά̤δα σ’ κανείται σε [λελεύω σε!]
μ’ αλείφκεσαι πογι͜άδες
[Τσ̌άνουμ γιαρ, γιαρ]
Αέτσ’ πα αγαπούνε σε [λελεύω σε!]
τη χώρας οι γιοσμάδες
[Τσ̌άνουμ γιαρ, γιαρ]

Ο ουρανόν αστράφτ’, βροντά, [λελεύω σε!]
τα σταλαμίτας τρέχ’νε
[Τσ̌άνουμ γιαρ, γιαρ]
Τα έμορφα τα κορτσόπα [λελεύω σε!/ας λέγω σε]
γλυκύν εγκάλιαν έχ’νε
[Τσ̌άνουμ γιαρ, γιαρ]

Έναν πουλίν επέτανε [λελεύω σε!]
όλο̤ν την ποταμέαν
[Τσ̌άνουμ γιαρ, γιαρ]
Νασάν ατόν π’ ευρήκ’ εσεν/ατεν [ν’ αηλί εμέν!]
το βράδυν ση φωλέαν
[Τσ̌άνουμ γιαρ, γιαρ]