Σ̌υρίζω, παίζω, τραγωδώ

Κορτσόπα, εσείς χορέψτεν
και -ν- όσον ντ’ επορείτε
Χαρά αδά σον κόσμον έν’,
ντο λέγ’νε μη τερείτε

Λέγ’νε με, ξαν λέγ’νε με
«έλα έμπα σο χορόν»
Τ’ εμέτερον η χαρά
ας έν’ και, πουλί μ’, τ’ εσόν

Τερέστε͜ ατα, τερέστε͜ ατα
τα σειραλαεμένα
Τ’ άλλα μικρά, τ’ άλλα τρανά,
τ’ άλλα σουμαδεμένα

Λέγ’νε με, ξαν λέγ’νε με
«έλα έμπα σο χορόν»
Τ’ εμέτερον η χαρά
ας έν’ και, πουλί μ’, τ’ εσόν

Σ̌υρίζω, παίζω, τραγωδώ,
τιδέν ’κι αφήνω εξούκια
Τ’ εμόν τη ζωήν έφαγαν
και τα χοβαρταλούκια

Λέγ’νε με, ξαν λέγ’νε με
«έλα έμπα σο χορόν»
Τ’ εμέτερον η χαρά
ας έν’ και, πουλί μ’, τ’ εσόν