Ήλιε μ’

Ήλιε μ’, όντες θα μερών’
φώταξον σον ουρανόν,
για να ελέπ’ τ’ εμόν τ’ αρνίν
σην εγκάλια μ’ να σουμών’ ⇋

Έμορφος άμον εσέν
αδαπάν’ ση γην ’κ’ εβγαίν’
Τον ήλιον πα παλαλώντς,
κρύφκεται κι εσέν περ’μέν’ [x2]

Ήλιε μ’, και το μεσημέρ’,
χ̌ειμωγκόν και καλοκαίρ’,
δύο ψ̌όπα να χουλέντς,
τη σεβντάς να δί’ς το μέλ’ ⇋

Έμορφος άμον εσέν
αδαπάν’ ση γην ’κ’ εβγαίν’
Τον ήλιον πα παλαλώντς,
κρύφκεται κι εσέν περ’μέν’ [x2]

Ήλιε μ’, όντες βασιλεύ’ς,
άλλο τ’ άστρα μη ζελεύ’ς
Ους να έρ’ται το πρωΐ
το πουλόπο μ’ μ’ αραεύ’ς ⇋

Έμορφος άμον εσέν
αδαπάν’ ση γην ’κ’ εβγαίν’
Τον ήλιον πα παλαλώντς,
κρύφκεται κι εσέν περ’μέν’ [x2]