Έλληνες ξενιτεμέν’

Έλληνες ξενιτεμέν’,
πονεμέν’, βασανισμέν’
Σκορπισμέν’ σ’ όλι͜α τα κράτη
κι ας σ’ εσετέρτς χωρισμέν’
Έλληνες ξενιτεμέν’
πονεμέν’, βασανισμέν’

Σην Αμερικήν μακρά,
(σην) Αυστραλίαν, Καναδάν
Γερμανία, Σουηδία
και σην Ελβετίαν πα
Σην Αμερικήν μακρά,
Αυστραλία, Καναδά

Σο ταξίδ’ αχπάσκουμαι,
όλτς θά ’ρχουμαι λάσκουμαι
Τραγούδι͜α θα λέγω σας,
την χαράν θα φέρω σας
Σο ταξίδ’ αχπάσκουμαι,
όλτς θά ’ρχουμαι λάσκουμαι

Μη νουνίζετε πολλά
που ευρίγουστουν μακρά
Μη στεναχωρεύκουστουν,
αγλήγορα θα κλώσκουστουν
Μη νουνίζετε πολλά
που ευρίγουστουν μακρά