Το φυλαχτόν

Ση καρδίας ι-μ’ τη ρίζα
έχω έναν φυλαχτόν
Ατό έν’ παρηγορίαν
ση χαράν και σον καημόν

’Κ’ επορώ, ’κ’ επορώ
να χάνω, πουλί μ’,
τ’ εσόν το φυλαχτόν

Εδέκε μ’ α’ η αγάπη μ’
να έν’ σ’ όνομαν τ’ εμόν
Ασ’ τ’ εδέκεν μ’ α’ εγέντον
η σεβντά μ’ πολλά τρανόν

’Κ’ επορώ, ’κ’ επορώ
να χάνω, πουλί μ’,
τ’ εσόν το φυλαχτόν

Πάντα σην καρδία μ’ έχω
τ’ ατεινές το φυλαχτόν
Ους να τελείνταν τα χρόνια μ’
σην καρδιά μ’ θα έχ’ ατο

’Κ’ επορώ, ’κ’ επορώ
να χάνω, πουλί μ’,
τ’ εσόν το φυλαχτόν