Ο σεβτι͜αλής επέθανεν

Έτονε ένας σεβτι͜αλής
είχ̌εν καλόν καρδίαν
Νύχταν-ημέραν ’λάσκουτουν
απέσ’ και σα χωρία

Ο σεβτι͜αλής επέθανεν,
εχάθεν κι άλλον ’κ’ έρ’ται 
Εσείς κορτσόπα τη χωρί’,
ατώρα γιατί κλαίτεν;

Όντες κορτσόπα -ν- έλεπεν
εθέλ’νεν σεβτι͜αλούκια
Αέτσ’ έτον η ζήση τουν¹
γέλ’τα και χαβεσλούκια

Ο σεβτι͜αλής επέθανεν,
εχάθεν κι άλλον ’κ’ έρ’ται 
Εσείς κορτσόπα τη χωρί’,
ατώρα γιατί κλαίτεν;

Τον σεβτι͜αλήν τα κορτσόπα
καμίαν ξάι ’κ’ εθέλ’ναν
Άμα -ν- ατός εχάρτσεν α’
σε όλια έναν βέραν

Ο σεβτι͜αλής επέθανεν,
εχάθεν κι άλλον ’κ’ έρ’ται 
Εσείς κορτσόπα τη χωρί’,
ατώρα γιατί κλαίτεν;