Τουρκικά Ελληνικά

Πόντιος είμαι σ̌κιρρός,
σον κόσμον εξακουστός
Μάτσ̌καλης είμαι τογρής
και πολλά πα γιοσμαλής
Είμαι το άστρον τ’ αυγής
και τ’ αηδόνι τη χαραής
Τραγωδι͜άνος μερακλής,
το τσ̌ιτσ̌έκ’ και τη κοσμί’
Το τσ̌ιτσ̌έκ’ και τη κοσμί’
με παλληκαρί’ κορμί

Τραγωδώ ελληνικά,
τραγωδώ και τουρκικά
Τουρκικά, ελληνικά,
τραγωδώ σεβνταλικά
Τουρκικά, ελληνικά,
π’ έχ̌’ ακούλ’ ας εγροικά
Π’  έχ̌’ ακούλ’ ας εγροικά,
τραγωδώ σεβνταλικά

Θάλασσα Καραντενίζ,
το νερό σ’ ’κι κατενίζ’
Μαύρον έν’ το κούμ’ τ’ εσόν
άμον την καρδι͜άν τ’ εμόν
Κι ας σα δάκρυ͜α τα πολλά,
τα πολλά και τα πικρά
η ταλγά κρούει σο γιαλόν,
το νερόν πάντα θολόν
Ν’ ανασπάλω ’κ’ επορώ,
τραγωδώ κι αναστορώ

Τραγωδώ ελληνικά,
τραγωδώ και τουρκικά
Τουρκικά, ελληνικά,
τραγωδώ σεβνταλικά
Τουρκικά, ελληνικά,
π’ έχ̌’ ακούλ’ ας εγροικά
Π’  έχ̌’ ακούλ’ ας εγροικά,
τραγωδώ σεβνταλικά

Έλα, σεβντά μ’, χαμελά
και μη στέκ’ς εσύ μακρά
Τραπεζούντα, Σελανίκ’
στράτα έπεϊ μακρά
Η ειρήνη, το barış¹,
τα μακρά φέρ’νε σουμά
Έχω σα μακρά σεβντάν
πέρα σο Γιουνανιστάν

Τραγωδώ ελληνικά,
τραγωδώ και τουρκικά
Τουρκικά, ελληνικά,
τραγωδώ σεβνταλικά
Τουρκικά, ελληνικά,
π’ έχ̌’ ακούλ’ ας εγροικά
Π’  έχ̌’ ακούλ’ ας εγροικά,
τραγωδώ σεβνταλικά

Τραγωδώ ελληνικά,
τραγωδώ και τουρκικά
Τουρκικά, ελληνικά,
τραγωδώ σεβνταλικά
Τουρκικά, ελληνικά,
π’ έχ̌’ ακούλ’ ας εγροικά
Π’  έχ̌’ ακούλ’ ας εγροικά,
τραγωδώ σεβνταλικά