Σαρία τα μαλλία σ’

Εσύ έ͜εις τ’ άγγελου την ψ̌ην,
την χράν τη Παναΐας
Εσέγκες με κι εφώλεψα
σο τρανόν τη καρδία σ’

Σαρία τα μαλλία σ’,
τ’ ομμάτι͜α σ’ καστανά -ι
Εγώ καν’νάν ’κ’ εγάπεσα
αρ’ ατόσον πολλά -ι

Όντες αγγεύ ’ς με θ’ έρχουμαι,
τη στράτα σ’ θα δοξάζω
Πουλί μ’, να ’ίνουμαι γεργάν’
τα κάλλι͜α σ’ να σ̌κεπάζω

Σαρία τα μαλλία σ’,
τ’ ομμάτι͜α σ’ καστανά -ι
Εγώ καν’νάν ’κ’ εγάπεσα
αρ’ ατόσον πολλά -ι

Αρνί μ’, έλα να χ̌αίρουμες
αρ’ ους ν’ εβγαίν’νε τ’ άστρα
Εσέγκα το καρδόπο μου
απέσ’ σα ψ̌ήα σ’ τ’ άσπρα

Σαρία τα μαλλία σ’,
τ’ ομμάτι͜α σ’ καστανά -ι
Εγώ καν’νάν ’κ’ εγάπεσα
αρ’ ατόσον πολλά -ι

Σαρία τα μαλλία σ’,
τ’ ομμάτι͜α σ’ καστανά -ι
Εγώ καν’νάν ’κ’ εγάπεσα
αρ’ ατόσον πολλά -ι