Δίστιχα

Σύρον απάν’ ι-σ’ το παλτόν,
[ασ’χώρετον]
αρνί μ’, μη παίρτς σε ο κρύον
[γιαρ, γιαρ/έλα -ν- έλα]
Ελέπω τα δουλείας ι-σ’
[μικρόν αρνί μ’]
και γίνουμαι θερίον
[γιαρ, γιαρ/έλα -ν- έλα]

Ελέπω [πουλί μ’] τα δουλείας ι-σ’
και γίνουμαι [πουλί μ’] θερίον

Όλα τα τριαντάφυλα
[ν’ αηλί εμέν]
απέσ’ σην καρδι͜ά σ’ κείνταν
[γιαρ, γιαρ/τσ̌άνουμ γιαρ, γιαρ]
Ατά που θα μυρίσ̌κεται
[ν’ αηλί εμέν]
τα χρόνι͜α τ’ ’κι τελείνταν
[γιαρ, γιαρ/τσ̌άνουμ γιαρ, γιαρ]

Ατά [και] που θα μυρίσ̌κεται
[ψ̌ήκα μ’] τα χρόνι͜α τ’ ’κι τελείνταν

Ση μαχαλάς ι-σ’ τα στράτας,
[ν’ αηλί εμέν]
πουλόπο μ’, πάντα στέκω
[γιαρ, γιαρ/τσ̌άνουμ γιαρ, γιαρ]
Έβγα οξ̌ωκά σ’ εξώπορτον
[ν’ αηλί εμέν]
εσέναν ας ελέπω
[γιαρ, γιαρ/τσ̌άνουμ γιαρ, γιαρ]

Έβγα [και -ν-] οξ̌ωκά σ’ εξώπορτον
εσέναν [ψ̌ήκα μ’] ας ελέπω