Χορός έντον ση μαχαλά σ’

Χορός έντον ση μαχαλά σ’
όλ’ οι γειτόν’ χορεύ’νε
[Εχ!] Τ’ εμά τ’ ομμάτι͜α, πουλόπο μ’,
εσέναν αραεύ’νε

[Και -ν-] Ας σον χορόν μακράν μη στέκ’ς
γιαβρί μ’, έλα σο χ̌έρι μ’
[Εχ!] Να ’ίνουμαι σταυραετός
κι εσύ το περιστερί μ’

[Εχ!] Λένε πως ’κ’ είμαι για τ’ εσέν
κι αρνί μ’ εσύ πιστεύ’ς ατ’ς
[Εχ!] Ατείν’ κατηγορούνε με,
γιατί να μη χατεύ’ς ατ’ς;

[Και] Πουλί μ’, καν’νάν εσύ μη ακούς
κι εγώ καν’νάν ’κι ακούω
[Εχ!] Εσύ σ’ εμόν την ψ̌ην απέσ’
κι εγώ σ’ εσόν να κρούω