Βάσανον η παντρεία

Την κουτσ̌ήν τηνάν θα παίρτς
θα χαρεντερί͜εις ατεν
Κι αν τερεί αδά κι εκεί
σ’ οσπίτ’ν ατ’ς θα στείλτς ατεν

Βάσανον η παντρεία
αβούτα τα χρόνα̤
Αν ’κι παίρτς γαρήν καλέσσα
τρώνε σε -ν- τα πόνα̤

Την κουτσ̌ήν τηνάν θα παίρτς
καλά θα κρατείς ατεν
Αν αφήντς ατεν αέτσ’
με άλλον θα ευρήκ’ς ατεν

Βάσανον η παντρεία
αβούτα τα χρόνα̤
Αν ’κι παίρτς γαρήν καλέσσα
τρώνε σε -ν- τα πόνα̤

Σ’ οσπίτι σ’ απέσ’ ’κι ’α βάλτς
τον έναν και τον άλλον
Και πολλά θα αποφέ͜εις
πάντα τον κουμπάρον

Βάσανον η παντρεία
αβούτα τα χρόνα̤
Αν ’κι παίρτς γαρήν καλέσσα
τρώνε σε -ν- τα πόνα̤