Κάηκα στην φωτιά σου

Πουλόπο μ’ και -ν- όντες νυχτών’
[Και -ν-] ο ήλιον όντες χάται [γιαρ]
Απέσ’ σην καρδι͜ά μ’ ’κχ̌ύουνταν
χ̌ίλια δύο φαρμάκια [γιαρ]

Καίγεται η ψ̌η μ’,
καίγεται η ψ̌η μ’
Τ’ ομματόπα μ’ δάκρυ͜α τρέχ’νε
για τ’ εσέν, πουλί μ’

Για τ’ εμέν ξάι να μη βραδύν’
το νούνιγμαν φογούμαι [γιαρ]
και σίτι͜α πίνω το ρακίν
μεθύνω και λαφρούμαι [γιαρ]

Καίγεται η ψ̌η μ’,
καίγεται η ψ̌η μ’
Τ’ ομματόπα μ’ δάκρυ͜α τρέχ’νε
για τ’ εσέν, πουλί μ’

Πουλόπο μ’, και -ν- όντες βραδύν’
[Και -ν-] ο φέγγον όντες έρ’ται, [γιαρ]
[Και] τη ψ̌ης ι-μ’ τα παράπονα
δάκρυ͜α ’ίν’νταν και τρέχ’νε [γιαρ]

Καίγεται η ψ̌η μ’,
καίγεται η ψ̌η μ’
Τ’ ομματόπα μ’ δάκρυ͜α τρέχ’νε
για τ’ εσέν, πουλί μ’